Dhandhan Bhulasi Mahari

ढ़ाँढ़ण बुलासी म्हारी टीडा-गेला माय

भादवै को मेलो दिखासी मेरी माय

मकराणे को मन्दिर भारी

पीपल को पेड़ छायी हरियाली

तो मन्दरिये की शोभा दिखासी मेरी माय

चाव चढ़यो थारे आंगण आँस्या

दादी थारा दरसन पास्यां

तो म्हारी भी आस पुरासी मेरी माय

चौदस की थारी रात जगास्यां

ढ़ाँढ़ण मेला सज धज जास्या

तो मन इच्छा फल देसी मेरी माय..भादवै को-

दादी सबकी अर्जी सुणसी

ममता की सागर कृपा करसी

तो अपनी दातारी दिखासी मेरी माय

मैया को दरबार है सांचो

मैया काम करे नहीं कांचो

तो पग-पग आडी आसी मेरी माय-भादवै को-

ढ़ाँढ़ण मेले सज-धज जास्यां

म्हारे मन की बात बतास्यां

तो बेटा ने कालजे लगासी मेरी माय

जाल जाल जाल

तो मन इच्छा फल देसी मेरी माय