Mhari Maiya Dhandhanwali

म्हारी मैया ढ़ाँढ़ण वाली, थारी जग में शान निराली

म्हारी करियो थे रखवाली, म्हारा दादीजी, म्हारा दादीजी

दादी म्हारै धरां पधारो, कद् सै तरसै मनड़ो म्हारो

म्हानै थारो एक सहारो, म्हारा दादी जी

कद सै थारी बांट निहारां म्हारी कुटिया न बुहारां

थानै कद सै खडया पुकारां, म्हारा दादी जी म्हारा

गंगाजल सु स्नान करावां, मन के आसण पर बिठावा

रोली मोली थाल सजाँवां, म्हारा दादीजी

थे तो ओढ़ो चुनड़ भारी, हाथा राचै मेंहदी न्यारी

म्हें तो करस्यां पूजा थारी, म्हारा दादीजी, म्हारा

थारो रूप अनोखो सोहे दादी भक्तां रो मन मोहे

जो भी देखे सुध-बुध खोवै, म्हारा दादी जी

करकै सिंह सवारी आवो, म्हानै दुर्गा रूप दिखावो

आकर रुचि-रुचि भोग लगावो म्हारा दादीजी, म्हारा

दादी थे हो अन्तर्यामी, थारै सै ना कुछ भी छानी

म्हे तो हां मूरख अज्ञानी, म्हारा दादी जी

पापी कितना ही थे तार्या, कारज भक्तां रा सब सार्या

क्यूं थे म्हानै ही बिसराया, म्हारा दादीजी, म्हारा

ग्यारों के थारो राँ पौवन

घेरे धार्मना ।