Navkoti Durga

नवकोटि दुर्गा सिंह धडूकै थारै बारणै

म्हारी टीडा गेला मैया, सिंह धडुकै थारै बारणै

ब्रह्माणि दुर्गा सिंह धडूकै थारे बारणै

इन्द्र छटा छाई घणी सरै, देखा आनन्द आवै

निज मन्दिर में आप विराजो

दर्शन घणा सुहावै जी

ब्रह्म रूप व्यापक भई सरै, रोम रोम मैं सारे

जिण पर मेहर करे नवदुर्गा

भवसागर सै तारे जी

नागीना मैं नायिका सरै, कलकत्ते में काली

अहमदाबाद में भद्र कालिका

भक्तन की रखवाली जी

सब भक्ताँ की बिनती सरै, सुणल्यो अरज थे म्हारी

हाथ जोड़ अरजी करू सरै

चरण कमल बलिहारी जी

म्हारी टीडा गेला मैया सिंह धडूकै थारे बारणै