Thaali Bhar Ke Laayi Re Kichado

थाली भर कर ल्याई रे खीचड़ो, ऊपर घी की बाटकी

जीमो म्हारा श्याम धणी, जिमावै बेटी जाट की

तन खिलाऊं आज खीचड़ो, काल राबड़ी खाट की

बार-बार मन्दिर न जड़ती, बार-बार में खोलती

कईयां कोनी जीमे रे मोहन, करड़ी-करड़ी बोलती

तूँ जीमे जद मैं भी जीमू मानूं ना कोई लाट की

भोला ढाला भक्तां से , सांवरिया कईयां आंट की

सोहनलाल लोहाकार प्रभु, का हर्ष-हर्ष गुण गावेलो

सांचो प्रेम प्रभु में हो तो, मुरत बोले काठ की

जीमो म्हारा श्याम धणी, जिमावे बेटी जाट की

थाली भर कर ल्याई रे खीचड़ो, ऊपर घी की बाटकी

बाबो म्हारो गाँव गयो है, ना जाने कद आवेलो

बीके भरोसे बैठ्यो रहवे गो तो भूखो ही रह जावेगो, भूखो ही रह जावेगो

थाली भर कर ल्याई रे खीचड़ो

परदो भूल गई सांवरिया, परदो फेर लगायो है

घाबलिये की ओट बैठ कर, श्याम खीचड़ो खायो है

भक्ति हो तो करमा जैसी, सांवरियो घर आयो है