Dadi Thara Tabariya Thane Yaad Kare

मैया थारा टाबरिया थानै याद करे

थारै सै हे मैया फरियाद करे

भोला ढाला जानकर, मत दीज्यो बिसराय

टाबर अपणो जाणकर, लीज्यो हिवड़े लगाय

भगता सें हे मैया कैयां रुस्यां सरै

ना म्हे जाणां आरती करनी, ना पूजा की रीत

थे म्हारा और म्हें हा थारा, माँ बेटा की प्रीत

कईया माँ थे रहोगा बेटा सै परै

विनती म्हारी सुण लीज्यो, ओ म्हारी मैया

भवसागर से पार लगा दीज्यो म्हारी नैया

'ताराचन्द' हे मैया थारो ध्याने धरै

सगला की सुण लीनी मैया, म्हारी भी सुणल्यो

म्हें थारा दर्शन न तरसां, दर्शन दे दीज्यो

'भजन मंडली' है मैया थारो ध्यान धरै