Jhilmil Jhilmil Chunri Mai

झिलमिल झिलमिल चूनड़ी में तारा चिमके

आज्या ए भवानी तेरा सेवक तरसे

लाल सुरंगी मेहन्दी थारै, हथल्यां राचे लाल

धाम है थारो ढ़ाँढ़ण मैया, मन्दिर बण्यो विशाल

सिंह पर बैठ्या दादीजी ने, सेवक निरखे

हाथां सोवे लाल चूड़ो मां, गल बीच नौसर हार

लाल कसूमल कब्जो सोवे, लम्पी की बहार

काना मांही झुमका मैं , मोती चिमके

माथे सोवे बोरलो नैणा काजलि री रेख

पलकां तो उघाड़ो मैया, टाबरिया ने देख

कदसे खड़्या पुकारा, थांरा सेवक बिलखे

पग पैजनिया कमर तागड़ी, सिर पर चँवर ढूले

जगमग थारी ज्योत जगे, माँ छप्पन भोग लगे

देख-देख थारो रूप सुहाणो मनड़ो हरषे

लाल ध्वजा फहरे मन्दिर मैं नोबत बाजे द्वार

रत्न सिंहासन बैठी मैया तीन लोक सरकार

'महावीर' करे गुणगान गगन से, अमृत बरसे

झिलमिल झिलमिल चूनड़ी में