Jhilmil Jhilmil Chunri

झिलमिल झिलमिल चूनड़ी में तारा चिमके

आज्या ए भवानी तेरा सेवक तरसे

धाम है थारो ढ़ाँढ़ण मैया, मन्दिर बण्यो विशाले

सिंह पर बैठ्या दादीजी ने, सेवक निरखे

हाथा सोवे लाल चूड़ो माँ, गल बीच नौसर हार

लाल कसूमल कब्जो सोवे, लम्पी की बहार

काना मांही झुमका माँ के, मोती चिमके

माथे सोवे बोरलो नैणा, काजलिया री रेख

पलकां तो उघाड़ो मैया, टाबरिया न देख

कबसे खड़्या पुकारा, थांरा सेवक बिलखे

पग पैजनिया कमर तागड़ी, सिर पर चँवर ढूले

जगमग थारी ज्योत जगे, माँ छप्पन भोग लगे

देख-देख थारो रूप सुहाणो, मनड़ो हरषे

लाल ध्वजा फहरे मन्दिर पर, नोबत बाजे द्वार

रत्न सिंहासन बैठी म्हारी, मैया लखदातार

'महावीर' करे गुणगान गगन से, अमृत बरसे

झिलमिल झिलमिल चूनड़ी में

लाल सुरंगी मेहन्दी थारै, हथल्यां राचे लाल

झिलमिल झिलमिल चूनड़ी में

माथे सोवे बोरलो नैणा, काजलिया री रेख

रत्न सिंहासन बैठी म्हारी, दादी लखदातार